Россия президенти Владимир Путин Владимир Соловьёвнинг «Жаҳон тартиби 2018» фильми учун интервьюсида маълум қилишича, Москва ядро қуролидан фақат жавоб зарбаси сифатида фойдаланиши мумкин.

«Бу мавзуга келадиган бўлсак, у, албатта, жуда муҳим, ўта муҳим. Сизга шуни айтишим мумкинки, бизнинг қўллаш режамиз – бу жавоб зарбаси. Умид қиламанки, бу ҳеч қачон юз бермайди, бироқ назарий жиҳатдан шундай», - дея Путиннинг сўзларини келтиради РИА Новости.

Россия президентининг аниқлик киритишича, бундай қуролни қўллаш ҳақидаги қарор фақатгина ракета ҳужумидан огоҳлантириш тизимлари нафақат ракета учирилгани, балки парвозлар траекторияси ҳамда Россия ҳудудига асосий каллакларнинг тушиш вақти бўйича аниқ тахминни берганидан сўнг қабул қилиниши мумкин.

«Бу жавоб зарбаси дейилади, бунда бизда жавоб беришга қонуний ҳуқуқ пайдо бўлади», - дея таъкидлаб ўтди Путин.шаблоны для dle 11.2